1250. Frankenberg

Herzog Heinrich III. setzt die Stadt Brieg zu deutschem (Neumarkter) Recht aus.

In nomine sancte et individue trinitatis amen. Nos, Heinricus, dei gratia dux Slesie, omnibus hanc litteram inspecturis in perpetuum. Cum rerum gestarum certissima representacio sit scriptura, que fragilitati memorie prebet augmentum et cecorum cordium deliramenta repellit, vel que de verborum serie redactorum nichil minuit aut immutat, opere pretium est, ut. que in longevam educanda sunt noticiam, quibusve subsistant nutrimentis, confoveri memoria litterarum. Hinc est, quod omnibus tam presentis temporis quam futuri esse volumus manifestum, quod civitatem nostram in Alta ripa Heinrico de Richenbach sculteto, Gerkino de Auro et Orthlifo jure Theutonico locandam contulimus, terre nostre accedente consilio et providencia sapientum, eo videlicet jure, quo civitas Noviforensis fundata est pariter et locata. Omnibus ad predictam civitatem ad manendum venientibus sex annorum libertatis indulsimus facultatem, ut nec ad alicujus rei soluciones nec ad expediciones infra predictum terminum compellantur, nisi tunc tocius terre periculum proclametur. Ipsis locatoribus sexta cedit curia cum solucione annuali, tertius in judicio denarius, nobis duo. Aque cursus, infra et supra, ad spacium miliaris ad piscandum liber est cunctis ibi manentibus. Ligna etiam, ad construendum edificia incidere dedimus, ubi unquam inventa fuerint. Ex ista parte Odre venari lepores relaxamus. Ex utraque parte aque sex mansos magnos pro pascuis pecorum civitati asscribimus supradicte. Infra terminum libertatis jam concesse omnibus ibi manentibus fora sua per terram nostram agere damus absque theolonei exactione. Polonus, vel cujuscunque ydiomatis homo liber, domum ibi habens, jus Theutonicum paciatur, nullo obstante casu vel superbia rebellante. Civitas singulis annis de tabernis solvere debet domino duci XX marcas. In ipsa civitate dominus habet decem macella carnium suis usibus valitura, judex reliqua et alii cives, quibus ipse ea concessit. Concedimus inquam eis infra terminum aque prescripte molendina construere, quodquot possunt. Bancci, in quibus calcei et panes venduntur, cedunt judicio indefesse. Insuper ipsis forum ibidem annuale ponere concedimus pro cunctorum beneplacito voluntatis. Infra unius milIiaris ductum nullam esse volumus tabernam, per quam ipsis libertas prestita succidatur. Omnes ville, site infra spacium miliaris unius, ab ipsa civitate jura sua requirere debent, juris sentencia promulgante. Ad devitandum igitur pericula graviora et ad ostium pravorum sevicias reprimendas infra duos annos civitatem munire promisimus divina clemencia providente. Exorto disturbio inter locatores alii mortui sunt, alii egestate oppressi pro sue partis locacione pecuniam receperunt. Novissimus vero locatorum, Orthlifus videlicet, ad nos accedens nobis humiliter supplicavit, ut nos eidem predictam hereditatem vendere concederemus, nos de persona certificans, videlicet de Conrado, presencium exhibitore, dicto de Nyza, cujus nos presenciam ac familiaritatem multum pre ceteris amplexantes jam dictam hereditatem eidem emere concessimus libere ac pacifice ei suisque heredibus perpetuo valituram, addicientes ei curie solucionem, in qua pecora occiduntur, et duas stubas balniales hereditarie possidendas. Ne igitur presentem paginam vacillare contingat, sed ut perpetuam habeat firmitatem, ipsam scribi et sigilli nostri robote fecimus confirmari, ad errorem futuri temporis abstergendum. Cujus vero facti testen sunt comes Mrotszco, comes Albertus cum barba, comes Jaxa, comes Johannes de Wirbna, Johannes Ossina, comes Pribico, Boguzlaus juvenis, dominus Conradus prothonotarius, dominus Conradus pincerna, dominus Hermannus plebanus de Swidniz et omnes fratres de Michlowe. Acta sunt hec anno incarnacionis domini MCCL. Datum in Vrankenberch per manum Waltheri, nostri scriptoris.

An rothen Seidenfäden hängt das Siegel des Herzogs. Frühere Abdrücke bei Böhme, diplom. Beitr. I. 17, Gaupp, das alte Magdebg. und Hall. Recht S. 327, Tschoppe und Stenzel, Urkundensammlung 318. Wenig korrekte deutsche Uebersetzungen in Glawnigs Brieger Wochenbl. 1790 Beil, zu Stück 1, S. 25, in Knie und Melchers geograph. Beschreibg. von Schlesien 1827 Abth. II. Bd. I. 153 ff Ein gutes Faksimile und zugleich einen neuen Abdruck bringt als Beigabe das neue Hand- und Adressbuch von Brieg, welches Dr. Basset unter dem Titel: "Ortskunde für Geschichte, Gemeinwesen, Verkehr" zur Herausgabe vorbereitet. Es wird beabsichtigt, auch unserem Werke ein auf photolithograph. Wege herzustellendes Faksimile beizugeben.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 9, Urkunden der Stadt Brieg. Urkundliche und chronikalische nachrichten über die Stadt Brieg, die dortigen Klöster, die Stadt- und Stiftsgüter bis zum Jahre 1550. Hrsg Dr. C. Grünhagen, Breslau 1870.